लोकहितं मम करणीयम् संस्कृत गीत

 लोकहितं मम करणीयम् संस्कृत गीत :-

Lokahitam mama karaniyam

हिन्दोलरागः आदिताल :
 मनसा सततं स्मरणीयम् 
वचसा सततं वदनीयम् 
लोकहितं मम करणीयम् ।।                 ।। लोकहितं ।।
 न भोगभवने रमणीयम् 
न च सुखशयने शयनीयम् । 
अहर्निशं जागरणीयम् 
लोकहितं मम करणीयम् ॥                   ॥ मनसा ।।
 न जातु दुःखं गणनीयम्
 न च निजसौख्यं मननीयम् । 
कार्यक्षेत्रे त्वरणीयम् 
लोकहितं मम करणीयम् ॥               ॥ मनसा ।। 
दुःखसागरे तरणीयम् 
कष्टपर्वते चरणीयम् । 
विपत्तिविपिने भ्रमणीयम् 
लोकहितं मम करणीयम् ॥           ।। मनसा ।। 
गहनारण्ये घनान्धकारे
 बन्धुजना ये स्थिता गह्वरे । 
तत्र मया सञ्चरणीयम् 
लोकहितं मम करणीयम्                ।। मनसा ।। 
                         -डॉ . श्रीधर भास्कर वर्णेकर

सुन्दरसुरभाषा :-

         आदिताल :           शिवरञ्जनीरागः
 मुनिवरविकसित - कविवरविलसित -
मञ्जुलञ्जूषा , सुन्दरसुरभाषा । 
अयि मातस्तव पोषणक्षमता
 मम वचनातीता , सुन्दरसुरभाषा              ।। मुनिवर ... ॥
वेदव्यास - वाल्मीकि - मुनीनाम् 
कालिदास - बाणादिकवीनाम् ।
 पौराणिक - सामान्य - जनानाम् 
जीवनस्य आशा , सुन्दरसुरभाषा।           ।। मुनिवर ... ॥
 श्रुतिसुखनिनदे सकलप्रमोदे
 स्मृतिहितवरदे सरसविनोदे । 
गति - मति - प्रेरक - काव्यविशारदे
 तव संस्कृतिरेषा , सुन्दरसुरभाषा             ।। मुनिवर ... ॥
नवरस - रुचिरालङ्कृति - धारा 
वेदविषय - वेदान्त - विचारा । 
वैद्य - व्योम - शास्त्रादि - विहारा 
 विजयते धरायां , सुन्दरसुरभाषा              ।। मुनिवर ...॥
                       - श्री नारायणभकट्ट:     

 स जयति जगति सनातनधर्म :-

मोहनरागः आदिताल : 
स जयति जगति सनातनधर्मः 
सत्यमिदं सत्यम् ।। 
उपदेशः खलु यस्य मनोज्ञः
 नित्यनवीनोऽयम् 55 ॥.           ॥ सत्यमिदं सत्यम् ॥ 
निर्मलभक्त्या कर्मविशुद्घं
 कुरुताविरतं फलमविचिन्त्य । 
अयमिह धर्मः रक्षत धर्म 
रक्षति धर्मो हिऽऽ ॥          ।। सत्यमिदं ....॥ 
अर्चत विष्णु शङ्करमथवा
 जिनमाचार्य बुद्धमथान्यम् ।
 एको देवो नाम विभिन्नं
 नास्ति विवादोऽत्र ऽऽ             ॥ सत्यमिदं ....॥
 अयमिह स्पृश्य : अयमस्पृश्य : 
उच्चो ह्येक : नीचोऽप्यपरः ।
 एवंरूप : भिन्नो भावः 
कल्पित एवायम् 55               ।।सत्यमिदं ...॥
भूतलमेकं यत्र निवास : 
कुलमप्येकं मनुकुलजानाम् । 
तस्मात्सर्वे भ्रातरो यूयं
 मा विस्मरतेदम्ऽऽ              ।। सत्यमिदं ...॥ 
जातिरभिन्ना नीतिरभिन्ना 
लक्ष्यमभिन्न कार्यमभिन्नम् । 
तस्मात्सर्वे सङ्गच्छध्वं 
सङ्के शक्तिरिहऽऽ              ॥ सत्यमिदं ...॥ 
द्वेषं त्यक्त्वा भेदं हित्वा 
लक्ष्यं सततं चेतसि कृत्वा ।
 क्रियते कार्य यदि युष्माभिः 
भविता सिद्धिरिहऽऽ                    ॥ सत्यमिदं ... ॥
 धैर्ये रक्तिः कर्मणि सक्तिः 
दैवे भक्तिः पापविरक्तिः । 
सर्वेषामपि भवभयतरणे
 एषा युक्तिरिहऽऽ                    ॥ सत्यमिदं ...॥     
मनसा सततं ध्यायत भद्रं
 वचसा सततं निगदत भद्रम् ।          
कृत्या सततं कुरुत च भद्रं
 भवति हि वो भद्रंऽऽ          ॥ सत्यमिदं ...॥ 
                           -श्री मञ्जुनाथशर्मा

भारतधरणीयं मामकजननीयम् :-


 आदिताल : आभेरीरागः 
भुवमवतीर्णा नाकस्पधिनी
 भारतधरणीयं , मामकजननीयम् ।।
 शिरसि हिमालय - मुकुट - विराजिता
 पादे जलधिजलेन परिप्लुता
 मध्ये गङ्गापरिसरपूता 
भारतधरणीयं , मामकजननीयम् ।।         ।। भुवमवतीर्णा ॥
 काश्मीरेषु च वर्षति तुहिनम् 
राजस्थाने प्रदहति पुलिनम् 
मलयस्थाने वाति सुपवनः
 भारतधरणीयं , मामकजननीयम् ॥   ॥ भुवमवतीर्णा ।। 
नानाभाषि - जनाश्रय - दात्री
 विविध - मतानां पोषणकत्रीँ
 नानातीर्थ - क्षेत्रसवित्री 
भारतधरणीयं , मामकजननीयम् ॥      ॥ भुवमवतीर्णा ॥
 पुण्यवतामियमेव हि नाकः
 पुण्यजनानां रुद्रपिनाक :
 पुण्यपराणामाश्रयलोकः 
भारतधरणीयं , मामकजननीयम् ॥     ॥ भुवमवतीर्णा ॥
                        -श्री जि . महाबलेश्वरभट्टः

कोई टिप्पणी नहीं:

आपके महत्वपूर्ण सुझाव के लिए धन्यवाद |
(SHERE करे )

Blogger द्वारा संचालित.